اجمل 10 قصص حب في طفولتنا - ساخر

اجمل 10 قصص حب في طفولتنا
مقال ساخر

في موضوعنا لهذا اليوم سنحدثكم عن قصص حب
عاشها ابطال الكرتون والانمي المفضلين لدينا 

ولكننا لن نتحدث عنها برومانسية

بل سنتحدث ببعض السخرية عن ابطالها ..

ورغم ذلك تبقى قصص حب جميلة جدا

ولكن هذا الموضوع هدفه هو

الضحك والاستمتاع :)

________________

 في المركز العاشر
الانسة صفاء والسيد ربيع 

قصة حب لرجل عنده 500 ولد وبنت
ماتت زوجته وقال كالعادة انه
سيكون وفي لها ولن يتزوج نهائيا  بعدها ،،
قعد شهر ونص عزابي .. وبعدين ما استحمل وقرر
يتزوج الخدامة تاعته ،، خصوصا انه صفاء
ما قصرت بالموضوع .. زبطت الولاد وابوهم
ووقعتهم بشباكها

في المركز التاسع 
جودي ابوت وصاحب الظل الطويل

قصة جودي ابوت .. تلك الفتاة الي فش حد
ماسكها ،، بجيلها منحة دراسية من شخص غريب
فبتحكي بينها وبين حالها اكيد هالزلمة الي بعتلي
المنحة معه مصاري كتير ، فبتضل وراه لحد ما تجيبه
وتتزوجه .

في المركز الثامن 
رابح وكاترين 

نعم يا سادة انها قصة حب بطلها واحد خاين !!
خان صاحبه العزيز جوليان وحب اخته كاترين
ومش بس هيك فهو كمان خانها لـ آن الي وقفت
معاه وهو ولا اشي .. وتركها وباعها لما
صار مشهور وراح لعند الشقرة كاترين .

في المركز السابع
هزيم الرعد وسيموني 

قصة حب اسطورية ..  سيموني كانت
حاطه هزيم الرعد براسها وناوية تقضي عليه
لانه قتل ابوها ..
بس لما شافتو شب مز وحلو واله مستقبل بحكم
المجرة غيرت رأيه وقالت الحي ابقى من الميت

في المركز السادس
هند ووسيم 


مراهق ومراهقة بس فاهمين الدنيا صح !!
زبطو بعض وحبو بعض وقررو
يتجوزو عالسريع قبل ما تغلى اسعار الشقق
والبيوت . وهذا ما كان

في المركز الخامس
زورو ولوليتا 

لوليتا طول عمرها عارفه مين زورو ..
بس عامله حالها ما بتعرف  ..
وذلك لانها راسمه خطه دقيقة بانها تبين ثقيلة
فيعجب فيها زورو ويستر عليها .

في المركز الرابع
روميو و انجليتا

روميو كان ولد مسخمط مش داري عن اشي
فشاف انجليتا وكانت بمثابة اول بنت بشوفها
فحبها وزبطها بالغرم من مرضها .. بس لما
عرف الدنيا كيف ماشية برضو خانها
وراح حب اخت صاحبو الشقرا بيانكا
مثل ما عمل رابح

في المركز الثالث
ريمي وماتيو

 ريمي كانت عم بتدور على امها وفكرت
بينها وبين حالها و قالت 

ليش ما الاقي امي والاقي معها عريس !!
وهذا ما حدث ضلت ورا ماتيو لوقعته بشباكها
وبالرغم من انه كان عواطلي وازعر بس ريمي
وافقت عليه . والموجود احسن من الي مش موجود

في المركز الثاني

الامير تشارلز وساندريلا 

نفس قصة لوليتا .. سندريلا طول عمرها عارفة
انو تشارلز هو الامير تشارلز .. بس انه قدامه
بتبين ما بتعرف مشان تبين انها الشخصية الرائعة
والمسكينة وضلت وراه للامير وجابته بالاخر

في المركز الاول
سينشي وران 

باختصار
#لن_يتزوجكي

نتمنى ان يكون الموضوع قد اعجبكم

لاتنسو زيارة باقي مواضيع موقعنا
وين ايامك يا سبيس تون
اكبر موقع عربي لاستعادة اجمل الذكريات
____________________________

ملاحظة لكل من يريد المشاركة بارسال مقالات
على الموفع تعرض وتنشر باسمه الرجاء
التواصل معنا :)