❣❣❣ رينادا رينادا ❣❣❣

♡
♡
♡

السلام عليكم ورحمة الله وبركاته

كيف الحال اصدقائي ان شالله بخير

بدون مقدمات رح نحكي عن الكرتون الحلو اللي كان يطلع على ارتينز

ღ كرتون رينادا ღ

هاد الكرتون هو الماني الاصل ودبلج لعدة لغات بيحكي عن بنت صغيرة

اسمها رينادا بتروح كل يوم عالمدرسة وبتشوف اصدقائا وبصير معا مغامرات

ومشاكل بس كلها بتنحل بنهاية الحلقة وبالحلقة الوحدة بتتكون من قصتين

مختلفتين او مغامرتين كل وحدة غير التانية

♡
♡
♡
بطلة هاد المسلسل هي رينادا صاحبة الشعر الاحمر يلي بتعشق كرة السلة

وهي بنت قوية الشخصية وصعب انك تتحكم فيها وتقيدها

لانها بتعيش حياة حرة مع جدها العجوز

♡
♡
♡

ميلتون صاحب الشعر الاصفر والنظارات الدائرية

هو افضل واحسن صديق لرينادا وهو عكس رينادا تماما

هو الولد الزكي والعبقري وهو يعد الدماغ بعلاقة الصداقة يلي بتجمعو برينادا

وعلى طول بساعدها بحل المشكلات

♡
♡
♡

ميرانيت هي البنت الحلوة الغنية التافهة يلي بتدايق رينادا وبتعمل مشاكل

المدللة لابوها رجل الاعمال يلي بيعطيها كل يلي بدها ياه

حتى لو ما كان بناسب صغر سنها

♡
♡
♡

شيكي الولد الضخم الغبي يلي بيعشق الاكل

طبعا ما بيقدر يحكي كلمتين على بعض من الغباء

وما بيقدر يعمل شي غير انو يستخدم قوتو لحتى يحصل عاللي بدو ياه

♡
♡
♡

جد رينادا العجوز هو رجل طيب كبير بالسن متقاعد من العمل

عايش مع رينادا هو والكلب وحش وهو يلي بقوم برعاية رينادا وتربيتها

مع انو هو يلي بيحتاج رعاية لكبر سنو هههههه

وبحب العمة السمينة المليئة بالدهون بس هي لزيزة وبتحب الرقص

وبتدخل البهجة على القلب وبتشتغل بائعة للسمك

♡
♡
♡

معلمة رينادا بالمدرسة هي بتبين انها شخصية قاسية وجامدة

ومع انها صارمة ودقيقة بس هي بالحقيقة مو سيئة ابدا

بالعكس هي طيبة القلب

♡
♡
♡

الشرطيين بولوك وهانسن يلي على طول بيلحقوا رينادا

لما تعمل مصايب مع انهم بيختلفوا دائما مع بعض

لانو بولوك هو رقيب اول على طول جدي ومعصب

اما هانسن فهو لسا طالب بالشرطة مغفل واخرق شوي